کمال مولا مسجد معاملہ: ہائی کورٹ کے حکم کو سپریم کورٹ میں چیلنج
بھوپال (اسٹاف رپورٹر):کمال مولا مسجد سے متعلق جاری تنازع میں مسلم فریق نے اہم پیش رفت کرتے ہوئے ہائی کورٹ کے فیصلے کو سپریم کورٹ میں چیلنج کر دیا ہے۔ذرائع کے مطابق مسلم فریق کا مؤقف ہے کہ انہیں آرکیالوجیکل سروے آف انڈیا (اے ایس آئی) کی رپورٹ پر مکمل طور پر اعتراضات پیش کرنے کا مناسب موقع فراہم نہیں کیا گیا، جو کہ انصاف کے تقاضوں کے خلاف ہے۔قانونی ماہرین کے مطابق اس معاملے کا سپریم کورٹ میں جانا ایک اہم موڑ ثابت ہو سکتا ہے، جہاں تمام فریقین کے دلائل اور شواہد کا دوبارہ جائزہ لیا جائے گا۔یہ تنازع پہلے ہی ملک میں مذہبی اور قانونی حلقوں میں بحث کا موضوع بنا ہوا ہے، اور اب سپریم کورٹ کی سماعت کے بعد اس کیس میں مزید پیش رفت متوقع ہے۔