کم جونگ اُن دوبارہ اسٹیٹ افیئرز کمیشن کے صدر مقرر

پیانگ یانگ (بین الاقوامی ڈیسک)

شمالی کوریا کے رہنما کو ایک بار پھر اسٹیٹ افیئرز کمیشن کا صدر مقرر کر دیا گیا ہے۔ سرکاری میڈیا کے مطابق یہ ان کی مسلسل تیسری مدت ہے۔رپورٹس کے مطابق اسٹیٹ افیئرز کمیشن، جو 2016 میں قائم کیا گیا تھا، ملک کا سب سے اعلیٰ پالیسی ساز ادارہ ہے۔ کم جونگ اُن کی دوبارہ تقرری اس بات کی علامت ہے کہ ملک کی قیادت اور پالیسی سازی میں ان کی گرفت بدستور مضبوط ہے۔ماہرین کے مطابق اس فیصلے سے ظاہر ہوتا ہے کہ شمالی کوریا اپنی موجودہ سیاسی سمت کو برقرار رکھنا چاہتا ہے اور قیادت میں کسی بڑی تبدیلی کا امکان نہیں ہے۔