مولانا عبداللہ سالم چترویدی گرفتار، 14 دن کی عدالتی تحویل میں بھیج دیا گیا

بہرائچ / کشن گنج:مولانا عبداللہ سالم چترویدی کو اتر پردیش پولیس نے کارروائی کرتے ہوئے گرفتار کر لیا ہے۔ ذرائع کے مطابق انہیں بہار کے ضلع کشن گنج سے حراست میں لیا گیا، جس کے بعد اتر پردیش ایس ٹی ایف نے اس معاملے میں مزید کارروائی کی۔ابتدائی اطلاعات کے مطابق مولانا پر ایک مذہبی اجتماع کے دوران اتر پردیش کے وزیر اعلیٰ یوگی آدتیہ ناتھ کی والدہ کے حوالے سے مبینہ طور پر قابلِ اعتراض بیان دینے کا الزام ہے۔پولیس ذرائع کے مطابق ملزم کو عدالت میں پیش کیا گیا، جہاں سے انہیں 14 دن کی عدالتی تحویل (جوڈیشل ریمانڈ) میں جیل بھیج دیا گیا ہے۔تاحال اس معاملے میں مولانا عبداللہ سالم چترویدی یا ان کے اہلِ خانہ کی جانب سے کوئی باضابطہ ردِعمل سامنے نہیں آیا ہے، جبکہ کیس کی مزید جانچ جاری ہے۔ نوٹ:یہ خبر دستیاب ابتدائی معلومات پر مبنی ہے، مزید تفصیلات سامنے آنے پر خبر کو اپڈیٹ کیا جائے گا۔