قطر کا ایران کے خلاف بڑا سفارتی اقدام

دوحہ | نیشنل اردو ٹائمز

قطر نے ایران کے خلاف ایک بڑا سفارتی اقدام اٹھاتے ہوئے ایرانی سفارت خانے کے ملٹری اور سیکیورٹی اتاشیوں سمیت ان کے عملے کو پرسونا نان گراٹا قرار دے دیا ہے۔قطری وزارتِ خارجہ کے مطابق متعلقہ اہلکاروں کو 24 گھنٹوں کے اندر ملک چھوڑنے کا حکم دیا گیا ہے۔ذرائع کے مطابق یہ فیصلہ ایران کی جانب سے مبینہ طور پر بار بار ہونے والے حملوں کے تناظر میں لیا گیا ہے، جسے قطر نے اپنی قومی سلامتی کے لیے خطرہ قرار دیا ہے۔ماہرین کا کہنا ہے کہ اس اقدام کے بعد قطر اور ایران کے تعلقات میں مزید کشیدگی پیدا ہونے کا خدشہ ہے، جو خطے کی مجموعی صورتحال پر بھی اثر انداز ہو سکتا ہے۔