تل ابیب میں لاکھوں افراد سڑکوں پر، جنگ بندی کا مطالبہ
تل ابیب (بین الاقوامی ڈیسک):تل ابیب میں لاکھوں افراد سڑکوں پر نکل آئے اور جاری جنگ کے خلاف شدید احتجاج کرتے ہوئے فوری جنگ بندی کا مطالبہ کیا۔مظاہرین نے بنیامین نیتن یاہو کے خلاف نعرے بازی کرتے ہوئے کہا کہ مسلسل جنگ نے خطے کو تباہی کے دہانے پر پہنچا دیا ہے، لہٰذا فوری طور پر جنگ بند کی جائے۔رپورٹس کے مطابق احتجاج کے دوران بعض مقامات پر مظاہرین اور پولیس کے درمیان کشیدگی بھی دیکھنے میں آئی، جہاں سیکیورٹی فورسز نے مظاہرین کو منتشر کرنے کے لیے طاقت کا استعمال کیا۔ماہرین کا کہنا ہے کہ اسرائیل میں بڑھتے ہوئے عوامی دباؤ کے باعث حکومت کو اپنی پالیسیوں پر نظرثانی کرنا پڑ سکتی ہے، خاص طور پر ایسے وقت میں جب ایران اور امریکہ کے ساتھ کشیدگی بھی عروج پر ہے۔