بنگلہ دیش میں افسوسناک حادثہ: بس دریا میں گرنے سے 24 افراد ہلاک

ڈھاکہ (بین الاقوامی ڈیسک):بنگلہ دیش میں ایک دلخراش حادثے میں کم از کم 24 افراد ہلاک ہو گئے، جب ایک مسافر بس فیری پر سوار ہوتے وقت بے قابو ہو کر دریا میں جا گری۔میڈیا رپورٹس کے مطابق یہ حادثہ اس وقت پیش آیا جب بس فیری پر چڑھ رہی تھی، تاہم اچانک توازن بگڑنے کے باعث وہ سیدھا دریا میں جا گری۔ ریسکیو ٹیموں نے فوری طور پر امدادی کارروائیاں شروع کر دیں اور متعدد افراد کو نکال لیا گیا، جبکہ لاشوں کی تلاش کا عمل بھی جاری رہا۔حکام کے مطابق حادثے کی وجوہات جاننے کے لیے تحقیقات شروع کر دی گئی ہیں، جبکہ ابتدائی طور پر ڈرائیور کی غلطی یا تکنیکی خرابی کو ممکنہ وجہ قرار دیا جا رہا ہے۔عینی شاہدین کا کہنا ہے کہ حادثہ انتہائی تیزی سے پیش آیا اور لوگوں کو سنبھلنے کا موقع ہی نہیں ملا۔ کئی مسافر بس میں پھنس گئے جس کے باعث ہلاکتوں میں اضافہ ہوا۔