آبنائے ہرمز میں رکاوٹوں کے اثرات: خوراک اور ادویات سمیت کئی اشیاء مہنگی ہونے کا خدشہ

لندن (بین الاقوامی ڈیسک)

بین الاقوامی تجزیاتی رپورٹ کے مطابق آبنائے ہرمز میں ممکنہ رکاوٹوں کے باعث نہ صرف تیل اور گیس بلکہ خوراک، ادویات اور دیگر ضروری اشیاء کی قیمتوں میں بھی اضافہ ہو سکتا ہے۔رپورٹ کے مطابق آبنائے ہرمز دنیا کی ایک اہم بحری گزرگاہ ہے، جہاں سے عالمی سطح پر بڑی مقدار میں تیل اور تجارتی سامان کی ترسیل ہوتی ہے۔ اگر اس راستے میں خلل پیدا ہوتا ہے تو اس کے اثرات عالمی سپلائی چین پر پڑ سکتے ہیں۔ماہرین کا کہنا ہے کہ اس صورتحال میں ٹرانسپورٹ لاگت میں اضافہ ہوگا، جس کے نتیجے میں مختلف مصنوعات کی قیمتیں بڑھ سکتی ہیں۔ خاص طور پر خوراک اور ادویات جیسے ضروری شعبے بھی اس سے متاثر ہو سکتے ہیں۔رپورٹ میں خبردار کیا گیا ہے کہ اگر کشیدگی برقرار رہی تو عالمی معیشت پر اس کے دور رس اثرات مرتب ہو سکتے ہیں اور مہنگائی میں مزید اضافہ دیکھنے کو مل سکتا ہے۔