راگھو چڈھا کو بڑا سیاسی جھٹکا، راجیہ سبھا میں ڈپٹی لیڈر کے عہدے سے ہٹائے گئے

نئی دہلی:راجیہ سبھا کے رکن راگھو چڈھا کو بڑا سیاسی جھٹکا لگا ہے، جہاں عام آدمی پارٹی نے انہیں ایوانِ بالا میں ڈپٹی لیڈر کے عہدے سے ہٹا دیا ہے۔پارٹی ذرائع کے مطابق ان کی جگہ اشوک متل کو نیا ڈپٹی لیڈر مقرر کیا گیا ہے۔ اس فیصلے کو پارٹی کے اندرونی تنظیمی رد و بدل کا حصہ قرار دیا جا رہا ہے۔تاحال اس فیصلے پر راگھو چڈھا کی جانب سے کوئی باضابطہ ردِعمل سامنے نہیں آیا ہے، جبکہ سیاسی حلقوں میں اس تبدیلی پر مختلف تبصرے کیے جا رہے ہیں۔